O Acto central do Día da Muller foi a presentación do mural homenaxe a Ángela Rodicio, realizado pola ilustradora e deseñadora ourensá, Iria Prol.
– Ás 13 horas presentouse o Mural Ilustrado en homenaxe á xornalista Ángela Rodicio, natural da localidade de San Cristovo, e que destaca pola súa traxectoria profesional como enviada especial de política internacional e escritora. Foi premio Espasa de Ensaio en 2016, por “Las Novias de la Yihad”. Xornalista especialista en Oriente Medio, zona que cubre desde 1988.
– No acto de presentación conectouse en directo coa xornalista, que agradeceu o recoñecemento e reivindiou a necesaria e imprescidible loita pola igualdade de xénero.
– Rematouse coa lectura do manifesto institucional, estando presentes compoñentes de tódalas forzas políticas con representación na coorporación.
Outras accións realizadas para conmemorar o Día da Muller, foron:
- Iluminación da fachada do Castelo de cor violeta e colocación pancarta en apoio ao Día Internacional da Muller.
- Difusión video “MULLERES EN RIBADAVIA”, realizado desde a Oficina Municipal de Información Xuvenil.
- Resolución de premiados no Concurso de Fotografía pola Igualdade, en colaboración coa Asociación Fotográfica do Ribeiro.
- Exposición bibliográfica “Elas Contan”, na casa da Cultura, realizada pola Biblioteca Pública Municipal.
- Fin de semana deportivo, coa celebracion do Partido de fútbol sala feminino pola Igualdade de Xénero no Deporte, entre o Ribeiro do Avia F.C. e o F.S. Couto Ourense.
Continuaremos conmemorando o 8M todos os días do ano, porque queda moito por loitar e moito camiño que percorrer.
Compartir