OUTONO FOTOGRÁFICO

Dende hoxe e ata o vindeiro 11 de novembro, podes visitar na Casa da Xuventude de Ribadavia  unha exposición de Tino García encadrada dentro do Outono fotográfico en horario de luns a venres de 9:30 a 14:00 e de 20:00 a 22:00 . Na obra “1-0-2”  o fotógrafo loita por plantexar co seu traballo un xogo no que conduce a dualidade espectador-obra e proxéctaa nun novo plano; observador-observado. Neste novo plano é o propio artista o que se reta a si mesmo a reflexionar sobre os estreitos límites da sociedade, a recoñecer unha forza exterior opresora mentres desata unha forza interior artística que ás veces se esconde, ás veces revólvese, pero que sempre existe; as súas obras son a crónica dunha viaxe interior que aspira a converterse en espello.
“De súpeto chegou o outono golpeando máis forte que nunca. Volveu de novo unha vella amiga a visitarme, só que esta vez sería para quedar, ou iso pensei. O espello empeñábase en devolver unha imaxe alterada do que eu entendía como a miña realidade; tal vez as pegadas de algo que non debería suceder. Tempo de preocupación, tempo de pedir axuda tempo de aceptación e reflexión. 1 pola mañá 0 ao mediodía 2 pola noite foi a pauta que me axudou a saír de alí, as pegadas físicas desapareceron pero algo me dicía que había cicatrices máis difíciles de borrar” Tino García.

Compartir

Check Also

PROGRAMA DA SEMANA SANTA EN RIBADAVIA 2024

Comezan o próximo día 25 de marzo co obradoiro de reciclaxe “Crecicla”, destinado a nenos de 6 …